FAQ

إزاله الشعر بالطرق التقليديه ممكن يسبب الضرر علي المدي الطويل زي ظهور حبوب وترهل الجلد في مناطق معينه او ظهوربعض التصبغات أو التسبب في جروح أحيانا نتيجه الإستخدام الخاطئ لمكينات الحلاقه ذات الشفره الحاده ...أو حدوث حروق علي الجلد من إستخدام الشمع الساخن ومافيش بنت متلسعتش منه .. وهنا ييجي دور إزاله الشعر بالليزر .. أولا وأهم حاجه ( مافيش ألم) .. ثانيا: لا بيسبب حروق ولا أي ضرر للجلد... ثالثا هتلاحظي نتيجه مبهره بعد كل جلسه .. رابعا هتنسي الموضوع لفتره طويله وتستمتعي بجسم ناعم بدون ما تشيلي هم ظهور شعر غير مرغوب فيه .. كل الأسباب دي و أكتر خلت إزاله الشعر بالليزر حل سريع وعملي ومش بس كده .. ده مع التطور والتقدم العلمي .. أجهزه الليزر بقت أكثر دقه وأمان.

الإجابة لأ ... الموضوع محتاج دكتور مختص يشخص المشكلة .... لازم يفحص نوع البشرة ونوع الحبوب الظاهرة عليها وعلي أساسها هيحدد بوتوكول العلاج المناسب إذا كان حب الشباب من النوع الغير ملتهب يبقي غالباً هنكتفي بالعلاجات الموضعيه , أما إذا كان ملتهب يبقي لازم ناخد علاج فموي. وخليني أقولك إننا أحياناً نضطر لإستخدام العلاج الهرموني مثل ( مضادات الإندروجين والكورتيزون) أوالعلاج الضوئي والليزر وده عن طريق أجهزه تم إعتمادها من هيئه الغذاء والدواء الامريكيه.... وده كله بيتم تحديده عن طريق تشخيص دقيق لطبيب مختص. جايزمشكله حب الشباب تظهر بسيطه لكن نصيحه بلاش تستخف بيها

بعد جلسة إزالة الشعر بالليزر بيبقي في شويه تعليمات لازم تلتزمي بيها لضمان أفضل نتيجه وهي: - الإلتزام بالكريمات أوالمراهم اللي هينصحك بيها الطبيب بعد الجلسه الأولي - يفضل عدم التعرض لأي مواد كيميائيه وخصوصاً في أول 3 أيام بعد الجلسه زي الشامبوهات وصابون الإستحمام بما يحتويه من مركبات كيميائيه أو حتى إستخدام معطرات الجسم المختلفه زي مثلا (إسبراي معطر أومخمريه وخلافه) - يفضل عدم التعرض لأشعه الشمس أو التعرض لأي مصدر حرارة عموماً ... ولازم تعرفي أن حساسيه الجلد بتكون زيادة أوي بعد أول جلسة بالذات وبعدين بتقل تدريجياً مع تكرار الجلسات. - يقوم الطبيب المختص بتحديد موعد الجلسه القادمه وكذلك عدد الجلسات المطلوبه ومواعيدها.

الموضوع ليه مميزات كتير بس خلينا نقول أهمها: - بيحل مشكله غالبا بتزعج معظم السيدات والفتيات - بيوفر الوقت والمجهود - طريقه سهله وآمنه للحصول على أفضل نتيجة مرضيه - أقل تكلفه على المدي الطويل - مافيش ألم - مافيش داعي لإنتظار نمو الشعر ووصوله لمستوي معين - الأماكن التي يمكن إزالة الشعر منها وعلشان كده إزالة شعر الجسم الغير مرغوب فيه بالليزر هي الحل الأفضل والأكثر دقه وأمان

ثبت علمياً أن في بعض المأكولات بتزود حب الشباب وبالتالي بناءاً علي الدراسات والأبحاث العلمية وإعتماداً علي الخبره العملية من تكرار التعامل مع مرضي مصابين بحب الشباب .. بننصح بعدم تناول الشوكولاتة واللب والفول السوداني ومنتجات الألبان الدسمة وكمان المخللات للمرضي اللي بيعانوا من حب الشباب. صحيح أن ردود الأفعال مختلفة مع أختلاف الأشخاص لكن مافيش مانع إننا نمنع المأكولات دي ولو بشكل مؤقت أثناء تنفيذ خطة العلاج لضمان الحصول علي نتيجة أفضل.

بمنتهي الصراحه مش هبقي ببالغ لو قولت أن الموضوع جايز يكون فعلا خطير ومحتاج تدخل طبي سريع وده فعلاً الأفضل لأن دايما العلاج المبكر أفضل وأحسن من الإهمال والتناسي. وهقولك ليه ؟ ببساطه الحبوب الصغيره اللي في وشك واللي بيسموها حب الشباب جايز تكون سبب في حدوث تشوهات أو حفر ونقر في المستقبل. ومن الصعب جدا تحديد حجم التشوه ده قد إيه أثناء وجود حب الشباب ومش بس كده ده من المستحيل علاج التشوهات والنقر دي عن طريق الكريمات والدهانات التقليديه. ويأسفني أقول أن مافيش أي جهاز في العالم تم إكتشافه حتي الآن يقدر يخفي التشوهات والنقر الناتجه عن حب الشباب بنسبه مائه بالمائه يبقي الحل أننا لا نستخف بيها ولا نهملها ولا حتي نلعب فيها بحجه إننا هنفضي اللي فيها وخلاص.

الإجابة نعم هو مش بس متعدد في أشكالة وأنواعة ده كمان بيظهر في الوش أو الظهر وأحيانا الصدر والأكتاف. وده لأن الأماكن دي بيكثر فيها الإفراز الدهني من الغدد الدهنية. ومن أهم أسباب ظهوره: 1) نوع من البكتيريا 2) إنسداد جريبات الشعر بالزيوت أو خلايا الجلد الميته 3) فرط إفراز الزيوت أو المواد الدهنيه 4) التهاب ينتج عنه دخول الإفراز الدهني والكيراتين والبكتيريا إلي داخل الجلد حب الشباب متعدد جدا كمان في أشكاله مش بس في أماكن ظهوره يعني أحياناً نشوفه في صوره رؤؤس بيضاء وده لأن الدهون فيها تحت البشره أو رؤؤس سوداء ودي بتكون طبقه البشره مش موجوده فوقها ونتيجه التعرض للهواء أسودت. أما بقي لو كانت الحبوب لونها أحمر فده دليل علي وجود إلتهاب سواء كانت حبوب حمراء صغيره أو كبيره أو حبوب حمراء وفيها صديد.

في مراكز دكتور عمرو جعفر بنوفرلك الحل النهائي والأكيد لحب الشباب وده علشان تبطلي تتكسفي من الحبوب وتنتهي مشكلتها للأبد .. عن طريق علاج مستخلص من النباتات الطبية وفي جلسات تتراوح من 6 إلي 8 جلسات يعني هتتخلصي نهائي من حب الشباب وبدون علاج فموي

بما إن كل حاجة بتطلع عليها إشاعات يبقي أكيد هنسمع إشاعات عن إزالة الشعر بالليزر .. المشكلة الناس اللي بتصدق ومنها: - الليزر بيسبب تشوهات وحروق على الجلد - الليزر بيسبب سرطان الجلد - الليزر مش مناسب للمراهقين وأصحاب البشرة البيضاء - الليزر خطير على الحامل ويسبب الإجهاض - الليزر يعطي نتيجة فورية وجلسه واحده كفاية - وحاجات تانيه كتير ملهاش أي علاقة بالواقع وهقولك ليه ؟؟ - العلم أثبت أن الليزر لا يخترق طبقات الجلد بالعمق الذي يجعله يحدث تغيرات كيميائية وبيولوجية في تركيب الخلايا ولا يؤثر إلا علي بصيلات الشعر فقط .. وليس له أي علاقة بالإجهاض أو التشوهات والحروق .. وكمان محدش قال أن جلسه واحده كفاية لأنه الطبيب المختص بيقرر عدد الجلسات والفترات البينية علي حسب خطة متفق عليها مع كل سيده حسب نوع بشرتها وطبيعة الشعر ولونة وكمان سُمك الشعراية وطبيعة الجسم نفسة.

أول جلسة في عملية إزالة الشعر بالليزر غالبا الدكتور أو الأخصائي بيحتاج يعرف عنك شوية معلومات ومنها: - لون البشرة ونوعها - طبيعه الشعر ولونه - هل بتتناولي أي أدويه أو بتعاني من أي أمراض؟ وبعدين بيطلب منك شوية حاجات وهي: - لابد من إزالة الشعر قبل الجلسه بيوم - لابد من تنضيف الجلد جيداً قبل جلسة الليزر يعني التخلص من أي كريمات أو مستحضرات تجميل أو أي حاجه بتتحط عالجلد في المنطقة اللي هيطبق عليها إزالة الشعر بالليزر - يفضل تجنب التعرض للشمس قبل جلسة الليزر وبعدها علشان منزودش حساسيه الجلد - يفضل التعامل مع المراكز الطبية المختصة وتحري الدقه في أختيار الجهاز والطبيب.